Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin tabeliyində Əməyin Mühafizəsi Mərkəzi tərəfindən Bakı şəhəri 93 nömrəli tam orta məktəbdə maarifləndirmə tədbiri təşkil olunub.
Dövlət Əmək Müfəttişliyi Xidmətindən "Tehsil365"ə verilən məlumata görə, tədbir iştirakçılarına əməyin mühafizəsinin cəmiyyət və fərdi sağlamlıq üçün əhəmiyyəti, təhlükəsizlik və yanğından mühafizə qaydaları, əmək fəaliyyəti zamanı hüquq və vəzifələr, həmçinin tətbiq olunan standartlar və “Vision Zero” yanaşmasının əsas prinsipləri barədə məlumat verilib.
Şagirdlərin diqqətinə çatdırılıb ki, əməyin mühafizəsi tələblərinə riayət olunması xəsarət və risklərin qarşısının alınmasına, sağlamlığın qorunmasına və təhlükəsiz əmək mühitinin formalaşmasına xidmət edir.
Tədbirin yekununda mövzu ətrafında müzakirələr aparılıb və iştirakçıların sualları cavablandırılıb.