Bu gün Azərbaycan ictimai fikir tarixinin görkəmli nümayəndələrindən biri, mütəfəkkir, yazıçı və publisist Əli bəy Hüseynzadə-nin doğum günüdür.
“Tehsil365” xəbər verir ki, Əli bəy Hüseynzadə (Əli Hüseyn Turan) 1864-cü il 24 fevralda (7 mart) Salyan şəhərində anadan olub. O, XX əsrin əvvəllərində Azərbaycan və türk dünyasının ictimai-siyasi və mədəni həyatında mühüm rol oynamış ziyalılardan biri kimi tanınır.
Uzun illər müxtəlif sahələrdə fəaliyyət göstərən Hüseynzadə alim, həkim, rəssam, şair, ədəbiyyat tənqidçisi, tərcüməçi, müəllim və jurnalist kimi böyük xidmətlər göstərib. Onun yaradıcılığı və ideyaları Azərbaycan-türk ictimai fikrinin formalaşmasına ciddi təsir göstərib.
Əli bəy Hüseynzadə 1940-cı il 17 mart tarixində Türkiyənin İstanbul şəhərinin Üsküdar rayonunda vəfat edib. Onun zəngin elmi və ədəbi irsi bu gün də Azərbaycan və türk dünyasında böyük maraqla öyrənilir.