Azərbaycanda vərəmlə xəstələnmə dinamikası (100.000 əhaliyə): 2015 ildə bu göstərici 41.1 olan halda, 2025 ildə - 21,5 qeyd olunub.
“Tehsil365” xəbər verir ki, bunu canlı yayımda Səhiyyə Nazirliyi Elmi-Tədqiqat Ağciyər Xəstəlikləri İnstitutunun direktoru İradə Axundova açıqlayıb.
Onun sözlərinə görə, xəstələrin 2/3 hissəsi kişi, 1/3 hissəsi qadındır.
Azərbaycanda ilkin ağciyər vərəmli xəstələr arasında TDM-nin (Turşuya Davamlı Mikobakteriya - Vərəm Mikobakteriyası) aşkar olunması dinamikası 2015 ildə 53% olduğu halda, 2025 ildə bu göstərici 86% çatıb.
"Həm həssas, həm də Dərmanlara Davamlı Xəstələrin müalicə göstəriciləri daha yüksək olub. Uşaq və yeniyetmələrin vərəmlə xəstələnmə göstəriciləriləri əhəmiyyətli dərəcədə yaxşılaşıb. Əgər 2015 ildə ölkədə 369 uşaq və yeniyetmə vərəm ilə xəstəlinmişdisə, 2025 ildə xəstələnən uşaq və yeniyetmələrin sayı 198 olub. Hətta 2024 il üçün bu göstəriçi 278 idi, bu da əhəmmiyətli dəyişiklik olduğunun sübutudu".