2026-cı ildə təqdim edilməsi gözlənilən “Microsoft”un “Windows 12” əməliyyat sistemi haqqında bəzi məlumatlar sızdırılıb.
“Tehsil365“ xəbər verir ki, “Microsoft” tərəfindən "Hudson Valley Next" adı altında hazırlanmış yeni “Windows” versiyasının bu il rəsmi olaraq təqdim edilə biləcəyi göslənilir.
Ənənəvi əməliyyat sistemi konsepsiyasını tamamilə dəyişdirəcəyi gözlənilən “Windows 12”, tamamilə yeni süni intellekt mərkəzli bir infrastruktur təklif etməyə hazırlaşır.
Yeni versiya, istifadəçilərin ehtiyaclarına uyğun olaraq əməliyyat sistemi komponentlərini əlavə edə və silə biləcəyi modul bir sistem vəd edir.
Vizual tərəfdən, şəffaf şüşə effektləri və üzən tapşırıq çubuğu kimi müasir dizayn yeniliklərinin interfeysə inteqrasiya olunacağı barədə şayiələr gəzir.