Din üzrə ekspert Elşad Miri İslamın elm olub-olmaması barədə fikirlərini bölüşüb:
“İslam elmdir, yoxsa inanc?” – sualına cavab olaraq, Elşad Miri “Tehsil365”ə açıqlamasında bildirib ki, İslam elm deyil.
“Elmin öz hipotezası, nəzəriyyəsi və qanunları var. Din isə bizə yol göstərir. Din bir naviqator, bir roadmap kimidir. Məsələn, La ilahə illallah, Allahdan başqa tanrı yoxdur – buna inanırsan, yoxsa bilirsən? Bir ‘inanıram’ deyirsən, amma bilirsən ki, Qurana zidd hərəkət edirsən. Çünki Quranda, 47-ci surənin 19-cu ayəsində deyilir: ‘‘‘Birinci bil.’”
Elşad Miri vurğulayıb ki, peyğəmbərlər də bəzi suallara cavab tapa bilmirlər:
“İbrahim peyğəmbər o biri dünyanı sorğulayır, Musa peyğəmbər isə Allahı görə bilməyəcəyindən qorxur. Allahın seçdiyi peyğəmbərlər belə bəzi şeyləri mühakimə edə bilirlərsə, insanlar niyə sorğulananı öz başlarına birləşdirməsinlər?”
O əlavə edib ki, Quranda verdiyi məlumatlar insanları düzgün yola yönəltmək üçündür:
“Quranı açıb oxumuruq, əməl etmirik. Elm isə heç vaxt sorğulamaz ki, bu halaldır, haramdır, yaxşıdır, pisdir. Elm sadəcə nəticələrə baxır: məsələn, atom bombasını atmaq olar, ya yox – bunu elm sorğulamayacaq, maraqlı deyil ki Hiroşimaya atıldı, ya Nagasakiyə.”