Martın 16-da Günəşdə qeydə alınan M2.8 gücündəki güclü partlayış Yer istiqamətinə plazma atılması ilə müşayiət olunub.
“Tehsil365“ xəbər verir ki, bununla bağlı Rusiya Elmlər Akademiyasının Kosmik Tədqiqatlar İnstitutunun Günəş astronomiyası laboratoriyası xəbərdarlıq edib.
Bildirilib ki, bu proses son iki ayın ən güclü maqnit qasırğasına səbəb ola bilər.
Partlayış Günəş diskinin mərkəzinə yaxın hissədə baş verdiyindən, plazma kütləsi birbaşa Yerə doğru istiqamətlənib. Hadisə Yerə yönəlmiş nadir "frontal zərbələr" kateqoriyasına aid edilir.
Proqnozlara əsasən, yaxın vaxtlarda son iki ayın ən güclü maqnit qasırğası (beşballıq şkala ilə G3 səviyyəsində) baş verəcək.