Ədliyyə Nazirliyinin Penitensiar xidməti ilə Vəkillər Kollegiyası arasında imzalanmış birgə Tədbirlər Planına uyğun olaraq azadlıqdan məhrum edilmiş və həbs olunmuş şəxslər üçün həyata keçirilən pulsuz hüquqi yardım və maarifləndirmə işi davam etdirilir.
Kollegiyanın mətbuat xidmətindən “Tehsil365"ə verilən məlumata görə, növbəti dəfə Bakı şəhəri 7 saylı Vəkil Bürosunun vəkilləri Bakı istintaq təcridxanasında və Bakı şəhəri 8 saylı Vəkil Bürosunun vəkilləri isə 3 saylı istintaq təcridxanasında ümumilikdə 35 nəfərə yaxın məhkum və həbs edilmiş şəxsin müraciətini dinləyib, onlara müxtəlif hüquqi məsələlər ətrafında izahat verib və suallarını cavablandırıblar.