Orta ümumi təhsil məktəblərinin texniki imkanları hələ istənilən səviyyədə deyil. Məktəblərin laboratoriyaları və tədris vasitələri müasir standartlara tam uyğunlaşdırılmayıb, bəzi məktəblərdə isə hələ də ənənəvi yazı taxtalarından istifadə olunur.
Təhsil eksperti Ramin Nurəliyev “Tehsil365”ə açıqlamasında bildirib ki, məktəblərin texniki imkanlarının gücləndirilməsi və elektron lövhələrə keçid müasir təhsil standartlarının təmin olunmasında mühüm rol oynayır.
“Hazırda inkişaf etmiş ölkələrin orta məktəblərində elektron lövhələrdən istifadə olunur və şagirdlərin tədrisi proyektorlar vasitəsilə həyata keçirilir. Bizdə isə bir çox məktəbdə yazı taxtası və tələbasırdan istifadə olunur ki, bu üsul artıq arzu olunan səviyyədə deyil.
Ona görə də hesab edirəm ki, məktəblərin laboratoriyaları maddi-texniki baxımdan təmin edilməli, bütün fənlərin əyani və elektron vəsaitlərlə təqdimatı təmin olunmalıdır. Elektron lövhə vasitəsilə şagirdlərin dərslərdə birbaşa iştirakı, tədrisin interaktiv və effektiv şəkildə aparılması mümkündür. Bu, müasir təhsil üçün ən yaxşı üsullardan biridir,” – deyə Ramin Nurəliyev vurğulayıb.