“Tələbələrin dərsə marağını artırmaq üçün müəllim əvvəlcə öz münasibətini dəyişməli, dərsə və peşəsinə sevgi və hörmətlə yanaşmalıdır.”
Bu sözləri “Tehsil365” ə açıqlamasında, Təhsil eksperti Qoşqar Məhərrəmov bildirib.
“Müəllim gördüyü işi sevməlidir ki, sevdirə bilsin. Sevgi olmadan maraq yaranmır. Müəllim bezmiş olmamalıdır öz işindən, öz peşəsindən. Özünə güvəni olmalıdır ki, o müəllim öz işini rahat həyata keçirsin, işini bilməlidir ki, işi düzgün həyata keçirsin. Bunlar olduqda isə artıq maraq da avtomatik olaraq yaranacaq”.
“Əlavə olaraq müəllim öz işini bilir, peşəsini bilir, ixtisasını bilir, pedaqoji səviyyələri var, həvəsi var, motivasiyası yerindədir. Belə bir müəllimin şagirdlərin dərsə marağını artırmaq üçün əlavə edə biləcəyi nələr var?”
“Bunlar, məsələn, oyunları dərsin içərisinə qoşmaqdır. Çünki oyunlaşdırma yeni bir təsir anlayışıdır. Müxtəlif oyunvari üsullarla, xal toplamaq və s. kimi üsullarla dərsdə əyləncəli proseslər həyata keçirmək şagirdlərin dərsə marağını artırır.”
Kompüter informasiya texnologiyalarını dərsə inteqrasiya eləmək, vebİki alətlərindən istifadə eləmək və dərsdə kiçik quiz tapşırıqları, qiymətləndirmə işlərini vebİki alətləri vasitəsilə həyata keçirmək dərsi daha maraqlı edir.”
“Laboratoriyalar, qrup işləri, ekskursiyalar dərsə marağı mütləq ki, artırır. İnternet mühitində simulyasiyalar var. Müxtəlif mövzuların, xüsusilə təbiət fənlərində, riyaziyyatda, fizika mövzularını qavramaq üçün animasiyalar, simulyasiyalar var. Bunları həyata keçirdikdə yenə dərsə maraq artır.”
Təhsil eksperti bildirib ki , “Bunlar effektiv alətlərdir və bu yollarla müəllim şagirdlərin dərsə marağını artıra bilər və marağı özündə saxlaya bilər.”