Lakin bu biliklərin uşaqlara necə çatdırılması birbaşa müəllimlərin savadından asılıdır.
“Tehsil365”ə açıqlamasında hüquqşünas Əkrəm Həsənov bildirib ki, ümumi məktəblərdə tədris olunan bəzi fənlərdə cəmiyyət, dövlətin əsasları və insan hüquqları mövzuları yer alır.
“Bu fənlərin nə qədər mənimsənilməsi müəllimlərin savadından asılıdır. Yəni müəllimlər bunları uşaqlara necə öyrədirlər. Amma heç olmasa Konstitusiya hüquqları, insan hüquqları uşaqlara öyrədilməsi yaxşı olardı,” – deyə Əkrəm Həsənov vurğulayıb.
Hüquqşünas qeyd edib ki, bəzi hallarda məktəblərdə bu mövzulara kifayət qədər diqqət yetirilmir:
“Məsələn, mənim öz uşaqlarım da məktəbdə oxuyub, amma heç vaxt bu haqda danışmayıblar ki, bu barədə nəsə öyrədilir və yaxud da yox.”
Ekspertin fikrincə, uşaqlara yalnız fənn çərçivəsində nəzəri biliklərin verilməsi kifayət deyil, onların praktik hüquq bilikləri də formalaşdırılmalıdır. Bu, gələcəkdə həm vətəndaş mövqeyinin güclənməsinə, həm də hüquqi savadlılığın artmasına səbəb ola bilər.
Əkrəm Həsənov sonda vurğulayıb ki, insan hüquqları və Konstitusiya bilikləri məktəblərdə daha sistemli şəkildə tədris olunmalı, uşaqların gündəlik həyatında tətbiq edə biləcəyi formada izah edilməlidir.