Azərbaycanın tanınmış ictimai-siyasi xadimi və jurnalisti Qənirə Paşayeva yenidən yad edilir.
“Tehsil365” xəbər verir ki, 1975-ci il martın 24-də Azərbaycan SSR-in Düz Qırıqlı kəndində anadan olan Qənirə Paşayeva uzun illər ölkənin ictimai-siyasi həyatında fəal rol oynayıb. O, jurnalist kimi fəaliyyətə başlayaraq daha sonra siyasət sahəsində mühüm mövqe qazanıb.
Qənirə Paşayeva 2005–2023-cü illər ərzində Azərbaycan Respublikası Milli Məclisinin III, IV, V və VI çağırış deputatı kimi fəaliyyət göstərib. Deputat kimi o, müxtəlif sosial və milli məsələlərin gündəmə gətirilməsi istiqamətində aktiv çıxışları ilə tanınıb.
O, 2023-cü il sentyabrın 28-də Bakıda vəfat edib. Qənirə Paşayevanın fəaliyyəti və ictimai irsi bu gün də Azərbaycan cəmiyyətində xatırlanır və qiymətləndirilir.