15 mart 1923-cü ildə Bakıda anadan olan Nəcəfqulu Əbdülrəhim oğlu İsmayılov, Azərbaycan rəngkarlığı, karikatura və illüstrasiya sahələrində tanınmış sənətkarlardan biridir.
“Tehsil365” xəbər verir ki, O, "Kirpi" satirik jurnalının baş rəssamı və yaradıcılarından biri kimi Azərbaycan incəsənətinə böyük töhfələr vermişdir.
İsmayılovun əsərləri cəmiyyətin gündəlik həyatını, sosial mövzuları və yumorla birləşdirərək oxuculara təsirli mesajlar çatdırırdı. Onun karikaturalarda istifadə etdiyi incə və bəzən tənqidi üslub Azərbaycan satirik sənətinin inkişafına böyük təsir göstərmişdir.
1963-cü ildə Azərbaycan SSR əməkdar incəsənət xadimi fəxri adına layiq görülən Nəcəfqulu İsmayılov, həm də gənc rəssamlar üçün nümunə olmuş, onların inkişafına dəstək göstərmişdir. 25 mart 1990-cı ildə Bakıda vəfat edən sənətkarın mirası bu gün də Azərbaycan incəsənətində öz aktuallığını qoruyur.