Oxumağa məcbur etmək şagirddə narahatlıq yaradır, öyrənməyə həvəsləndirmək isə gələcəklə bağlı hədəfləri formalaşdırır və təqdir hissi yaradır.
Bu sözləri “Tehsil365” ə açıqlamasında , psixoloq Aytəkin Məmmədova bildirib.
“Oxumağa məcbur etmək, şagirdin oxumağa məcbur edilməsi onda ciddi şəkildə narahatlıqlar yaratmağa başlayır, məktəbi sevməməyə, dərsi sevməməyə, müəllimə qarşı nifrətin formalaşmasına gətirib çıxarır və valideynlər tərəfindən isə valideyni doğrultmaması, oxumasa valideynlərin onu sevməyəcəyi düşüncəsində olur. Yəni birbaşa öz şəxsi “mən”i ilə əlaqələndirir bunu.”
“Amma öyrənməyə həvəsləndirmək artıq uşaq bilir ki, gələcəyi ilə bağlı onun hansı hədəfləri vardır, müəllimləri və valideynləri tərəfindən təqdir görür. Rəqabət olmadan, çünki həvəsləndirmənin daxilində bəzən rəqabət də olur. O rəqabət hissini çox inkişaf etdirmədən, həqiqətən öyrənməyi sevməyi öyrətmək şagirdin və yaxud da uşağın gələcəyi üçün çox vacibdir. O, sabah yiyələnəcəyi ixtisası da sevərək işlədə biləcək.”
Psixoloq bildirir ki , “Burada isə öyrənməyə həvəsləndirməkdə əsas məqsəd uşağın yetərli olduğunu göstərilməsi, bəzən uğurlu, bəzən uğursuz ola biləcəyinə də inandırılması kimi tərəflər də vurğulana bilər.”