Yaponiyanın Fukuşima bölgəsində qeyri-adi qalıqlar tapılıb və onlar artıq "mumiya su pərisi" kimi adlandırılır. Tapıntı köhnə bir evdə aşkar edilib. Məlumata görə, bu varlığın iti dişləri, iri ətrafları və balıq quyruğunu xatırladan hissəsi var.
“Tehsil365“ bu barədə "The Sun" nəşrinə istinadən xəbər verir.
Qalıqların görünüşü yapon mifologiyasında su hövzələrində yaşadığı və insanları suyun altına çəkə bildiyi deyilən Kappa ilə müqayisə olunur. Ənənəvi inanca görə, bu cür varlıqlar çay və göllərin təhlükəli ruhları hesab edilir.
Bildirilir ki, qeyri-adi eksponat Yonezava şəhərində keçiriləcək "Oşu" nadir əşyalar bazarında hərraca çıxarılacaq. Hərrac mart ayının sonunda baş tutacaq və lotun ilkin dəyəri təxminən 11.7 min funt sterlinq olaraq qiymətləndirilir.
