Hindistanın Kerala ştatında yaşayan müəllim Əbdül Malikdir 1994-cü ildən etibarən hər gün məktəbə çatmaq üçün Kadalundi çayını üzərək keçir.
”Tehsil365" xəbər verir ki, hər səhər kitablarını və paltarlarını plastik torbaya yerləşdirir, ağzını möhkəm bağlayır və rezin təkər kamerasının köməyi ilə 15–30 dəqiqə ərzində çayı üzərək qarşı sahilə keçir. Daha sonra paltarını dəyişir və adi bir gün kimi dərsə başlayır.
Bu seçimin səbəbi alternativ yolun uzun və çətin olmasıdır. Məktəbə quru yolla getmək üçün bir neçə avtobus dəyişmək və təxminən 12 kilometr məsafə qət etmək lazımdır ki, bu da hər gün təxminən 3 saat vaxt aparır. Buna görə də o, çayı keçməyi daha məqsədəuyğun hesab edir.
Musson yağışları zamanı çayda axın xeyli güclənir. Suyun üzəri ilə müxtəlif tullantılar axır, bəzən isə təhlükəli canlılara rast gəlinir. Buna baxmayaraq, Əbdül Malik bu çətinliklərə baxmayaraq fəaliyyətini davam etdirir və 20 ildən artıq müddətdə bir dəfə belə dərsə gecikməyib.
Şagirdləri onu “Kamera ustası” (Tube Master) adlandırırlar. Onlar müəllimlərinin hər gün dərsə gəlmək üçün göstərdiyi əzmkarlığı yüksək qiymətləndirir və onu böyük hörmətlə qarşılayırlar.
Əbdül Malik yalnız dərs deməklə kifayətlənmir. O, uşaqlara üzməyi öyrədir, çayın təmizlənməsi ilə bağlı aksiyalar təşkil edir və gündəlik keçdiyi çayı həm də həyat dərslərinin verildiyi bir məkana çevirir. Öz hesablamalarına görə, o, illər ərzində təxminən 700 kilometr məsafəni üzərək qət edib.
Bütün bunlara baxmayaraq, o, məqsədlərini sadə ifadə edir: məktəbə vaxtında çatmaq və şagirdləri üçün yaxşı nümunə olmaq.