Azərbaycanın igid oğullarından biri olan Fərhad Hümbətov 1968-ci il sentyabrın 10-da Böyük Qarakilsə rayonunun Arçut kəndində anadan olub.
“Tehsil365” xəbər verir ki, O, Vətənə bağlılığı və döyüşlərdə göstərdiyi şücaətlə yadda qalan qəhrəmanlardan biridir.
Fərhad Hümbətov Birinci Qarabağ müharibəsi dövründə Azərbaycanın ərazi bütövlüyü uğrunda gedən döyüşlərdə fəal iştirak edib. O, döyüş yoldaşları arasında cəsarəti və qətiyyəti ilə seçilib, ən çətin məqamlarda belə geri çəkilməyərək düşmənə qarşı mübarizəsini davam etdirib.
1992-ci il martın 29-da Xankəndi istiqamətində gedən döyüşlər zamanı qəhrəmancasına şəhid olub. Onun göstərdiyi igidlik dövlət tərəfindən yüksək qiymətləndirilib və ölümündən sonra Azərbaycanın “Milli Qəhrəmanı” fəxri adına layiq görülüb.
Bu gün Fərhad Hümbətovun xatirəsi xalqımız tərəfindən böyük ehtiramla anılır, onun qəhrəmanlıq yolu gənc nəsil üçün örnək kimi təqdim olunur.