İstənilən platformalar və interaktiv dərslər dərslərin sadələşməsinə kömək eləyir, amma tələbə müəllimə cavab verməlidir və mövzuları müəllim ilə analiz eləməlidir.
Bu sözləri “Tehsil365” ə açıqlamasında , tibb eksperti Aydın Əliyev bildirib.
“İstənilən platformalar, interaktiv və digər üsullar yaxşıdır, amma burada bir məsələ var. Şagirdi və yaxud da tələbəni öyrətmək istəyirsinizsə, tələbə müəllimə cavab verməlidir. Orta məktəbdə görürsünüz ki, hazırlıq adı altında müəllimlərin yanına gedirlər, amma gündəlik tələbə dərsi oxumur, gündəlik dərsi analiz eləmir, sonra oxuyur, gəlir müəllimə cavab verir, qiymət alır və əzbərçilik ortaya çıxır.”
“Ona görə də istənilən üsullar yekunda müəllimə cavab verəndə suallar, mövzular, istiqamətlər, mövzuların yaranması, nəyə, hara, nə cür təsir etməsi və nə cür əlaqələnməsi tələbə və yaxud da şagird müəllim ilə analiz eləməlidir və müəllimə cavab verməlidir. Müəllim istiqamət verəndir, mediatorudur, tələbə isə receptordur, qəbul eləyəndir.”