Məktəblərdə rəqabət mühiti şagirdlərin inkişafına təsir edən mühüm amillərdən biri hesab olunur. Bu mühitin müsbət və mənfi tərəfləri isə mütəxəssislər tərəfindən tez-tez müzakirə edilir.
Mövzu ilə bağlı təhsil eksperti Ramin Nurəliyev “Tehsil365"ə açıqlama verib.
Ekspertin sözlərinə görə, sağlam rəqabət şagirdlərin inkişafına müsbət təsir göstərə bilər: “Rəqabət şagirdləri daha çox çalışmağa, öz üzərində işləməyə və daha yaxşı nəticələr əldə etməyə təşviq edir.”
Mütəxəssis qeyd edib ki, bu mühit düzgün qurulmadıqda mənfi nəticələr də yarana bilər: “Həddindən artıq rəqabət şagirdlərdə stress, narahatlıq və özünə inamsızlıq yarada bilər.”
Ekspert əlavə edib ki, müqayisə və təzyiq əsas problemlərdəndir: “Şagirdlərin daim bir-biri ilə müqayisə olunması onların psixoloji vəziyyətinə mənfi təsir edir və motivasiyanı zəiflədə bilər.”
Onun sözlərinə görə, ən optimal yanaşma balanslı mühit yaratmaqdır: “Rəqabət sağlam şəkildə təşviq olunmalı, eyni zamanda əməkdaşlıq və dəstək mühiti də qorunmalıdır.”
Sonda ekspert bildirib ki, düzgün qurulan rəqabət mühiti şagirdlərin inkişafına töhfə verə bilər, lakin bu prosesdə psixoloji amillər mütləq nəzərə alınmalıdır.