“Təhsilin əsas məqsədi yalnız şagirdlərə bilik ötürmək deyil, eyni zamanda onların şəxsiyyət kimi formalaşmasına dəstək olmaqdır.”
Bu sözləri “Tehsil365”ə açıqlamasında pedaqoq Validə Quliyeva bildirib.
Onun sözlərinə görə, müasir dövrdə təhsil sistemi yalnız akademik nəticələrlə məhdudlaşmamalıdır.
“Müəllimlər şagirdlərə təkcə dərs proqramını deyil, həm də həyati bacarıqları, düzgün düşünmə və qərarvermə qabiliyyətini aşılamağa çalışmalıdırlar,” – deyə o qeyd edib.
Quliyeva bildirib ki, texnologiyanın inkişafı təhsilə yeni imkanlar qazandırsa da, bu proses düzgün idarə olunmalıdır.
“Rəqəmsal vasitələrdən düzgün istifadə şagirdlərin inkişafına müsbət təsir göstərir, lakin nəzarətsiz istifadə onların diqqətinin dağılmasına səbəb ola bilər,” – deyə o əlavə edib.
Pedaqoq vurğulayıb ki, valideyn-məktəb əməkdaşlığı da təhsildə mühüm rol oynayır.
“Valideynlər və müəllimlər arasında düzgün ünsiyyət qurulduqda şagirdlərin həm akademik, həm də psixoloji inkişafı daha sağlam şəkildə formalaşır,” – deyə o bildirib.
Sonda o qeyd edib ki, təhsildə uğur yalnız bir tərəfin deyil, bütün cəmiyyətin birgə səyi nəticəsində mümkündür.
“Təhsil hər birimizin ortaq məsuliyyətidir və bu sahəyə verilən dəyər gələcəyimizi müəyyən edir,” – deyə Validə Quliyeva fikrini yekunlaşdırıb.