“31 Mart soyqırımı Azərbaycan xalqına qarşı törədilmiş ən ağır faciələrdən biridir. Bu hadisələr xalqımızın yaddaşına silinməz iz qoyub”.
Bu sözləri “Tehsil365”ə açıqlamasında baş kəşfiyyatçı Rüstəmli Rüstəm bildirib.
O qeyd edib ki, 1918-ci ilin mart hadisələri zamanı minlərlə günahsız insan amansızlıqla qətlə yetirilib, yaşayış məntəqələri dağıdılıb.
“Bu soyqırımı təkcə insanlara qarşı deyil, həm də milli-mənəvi dəyərlərimizə, mədəni irsimizə qarşı yönəlmiş cinayət idi,” – deyə o əlavə edib.
Onun sözlərinə görə, bu hadisələrin beynəlxalq ictimaiyyətə düzgün çatdırılması xüsusi əhəmiyyət daşıyır.
“Tarixi faktların araşdırılması və dünya ictimaiyyətinə çatdırılması hər bir tarixçinin və ziyalının borcudur,” – deyə o bildirib.
O vurğulayıb ki, dövlət səviyyəsində bu faciəyə hüquqi-siyasi qiymət verilməsi mühüm addımdır.
“Ulu öndər Heydər Əliyevin təşəbbüsü ilə 31 Martın Azərbaycanlıların Soyqırımı Günü kimi qeyd olunması tarixi ədalətin bərpası istiqamətində atılan vacib addımlardan biridir,” – deyə o qeyd edib.
Sonda o bildirib ki, bu cür faciələrin unudulmaması gələcək nəsillərin maarifləndirilməsi baxımından böyük əhəmiyyət kəsb edir.
“Tariximizi unutmamalı, onu öyrənməli və gələcək nəsillərə doğru şəkildə ötürməliyik,” – deyə o fikrini yekunlaşdırıb.