“2016-cı ilin aprel döyüşlərində düşmən təxribatına qarşı layiqli cavab verdik və Lələtəpə yüksəkliyini azad etdik”.
Bu sözləri “Tehsil365”ə müsahibəsində aprel döyüşlərinin iştirakçısı, baş kəşfiyyatçı,çavuş Rüstəmli Rüstəm Ayaz oğlu bildirib.
Rüstəm bəy, hərbi xidmətə nə vaxt başlamısınız?
– Mən 2013-cü ildə ən saylı hərbi hissələrdən birində baş kəşfiyyatçı kimi xidmətə başlamışam.
Aprel döyüşləri zamanı hansı istiqamətdə iştirak etmisiniz?
– 2016-cı il aprelin 1-dən 2-nə keçən gecə bizə “nömrə bir” verildi. Bölüyümüz Lələtəpə istiqamətində irəlilədi. Düşmən təxribat törətməyə cəhd edirdi.
Döyüş necə başladı və necə davam etdi?
– Bizim bölük və digər bölmələr hücuma keçdi. Düşmənə layiqli cavab verdik. Onların Ohanyan xəttini yararaq bir neçə mövqeni ələ keçirdik. Lələtəpə yüksəkliyi “alınmaz qala” hesab olunurdu, amma biz onu azad etdik.
Döyüşün ən çətin anları nələr idi?
– Düşmən belə güclü müqavimət gözləmirdi. Ağır döyüşlər getdi. Onları geri çəkilməyə məcbur etdik və mövqeləri ələ keçirdik.
Şəxsi itkiləriniz oldumu?
– Təəssüf ki, bir neçə döyüş yoldaşımız şəhid oldu. Bir neçəmiz isə müxtəlif nahiyələrdən yaralandıq.
Sonda gənclərə və gələcək nəsillərə nə demək istərdiniz?
– Vətən hər şeydən üstündür. Biz o torpaqları qanımız bahasına qoruduq. Gənclər vətəni sevməli, ona sahib çıxmalı və hər zaman hazır olmalıdırlar. Şəhidlərimizin ruhu qarşısında borcumuz var – bu torpaqları qorumaq və daha da gücləndirmək.
