O bildirib ki, parlamentdə hal-hazırda gənclər üçün ayrıca, yeni bir layihə nəzərdə tutulmur.
Milli Məclisin deputatı Fazil Mustafa “Tehsil365“ə açıqlamasında gənclərlə bağlı mövcud qanunvericilik və tətbiq mexanizmlərinə toxunub.
Hazırda mövcud qanunun təkmilləşdirilməsi ilə bağlı təşəbbüslər dəyərləndirilir: “Ona görə də ayrıca yeni bir layihə nəzərdə tutulmur. Amma gənclərin xüsusilə ipotekaya əlçatanlığı, mənzillə təmin olunması, ailə qurmasında müəyyən imkanların yaradılması və digər məsələlərdə dövlət mexanizmləri işləməlidir.”
Deputat əlavə edib ki, praktikada bu sahədə müəyyən çətinliklər yarana bilər. Lakin qanunvericiliyin normaları düzgün tətbiq olunduğu halda gənclərin sosial problemlərinin böyük əksəriyyəti öz həllini tapa bilər: “Bütövlükdə qanunvericiliyin normaları doğru tətbiq olunsa, gənclərin bu istiqamətdə problemlərinin böyük hissəsi aradan qalxar.”