1992-ci ildə Azərbaycan ilə Rusiya arasında rəsmi diplomatik əlaqələrin qurulması iki ölkə münasibətlərində mühüm mərhələ kimi tarixə düşüb.
“Tehsil365” xəbər verir ki, Bu addım müstəqilliyini yenicə bərpa etmiş Azərbaycanın beynəlxalq arenada mövqeyinin möhkəmləndirilməsi baxımından xüsusi əhəmiyyət daşıyırdı.
Diplomatik münasibətlərin qurulması ilə tərəflər arasında siyasi, iqtisadi və humanitar sahələrdə əməkdaşlıq üçün geniş imkanlar yaranıb. Sonrakı illərdə iki ölkə arasında müxtəlif sahələri əhatə edən çoxsaylı sazişlər imzalanaraq əlaqələr daha da inkişaf etdirilib.
Bu gün Azərbaycan və Rusiya arasında münasibətlər regionda sabitlik və əməkdaşlıq baxımından mühüm rol oynayan amillərdən biri kimi qiymətləndirilir. Diplomatik əlaqələrin qurulması isə bu əməkdaşlığın təməlini təşkil edən əsas tarixi hadisə kimi xatırlanır.