“Son dövrlərdə təhsil sahəsində aparılan islahatlar əlbəttə ki, yüksək qiymətləndirilə bilər”.
Bu sözləri “Tehsil365”ə açıqlamasında təhsil eksperti Elçin Əfəndi bildirib.
Ekspert qeyd edib ki, son illərdə təhsilin bütün pillələrində inkişaf müşahidə olunur.
“Demək olar ki, biz istər ali təhsil, istər peşə təhsili, yaxud tam orta təhsil müəssisələri, o cümlədən məktəbəqədər təhsil müəssisələrinin hər birində yüksəlmə xətti üzrə inkişaf müşahidə etmişik,” – deyə o bildirib.
Onun sözlərinə görə, təhsildə qəbul edilən qərarların nəticəsi qısa müddətdə deyil, illər sonra özünü göstərir.
“Çünki təhsil elə bir istiqamətdir ki, burada hər hansı alınan bir qərar 5-10 il ərzində öz bəhrəsini göstərir,” – deyə o qeyd edib.
Elçin Əfəndi vurğulayıb ki, artıq müşahidə olunan müsbət dəyişikliklər gələcək uğurlar üçün əsas yaradır.
“Amma son illərdə baş verən müsbət dəyişikliklər də onu deməyə əsas verir ki, sadaladığım istiqamətlərdə biz nailiyyətlər əldə edə biləcəyik,” – deyə ekspert fikrini yekunlaşdırıb.