Son illərdə stress və narahatlıq halları həm gənclər, həm də böyüklər arasında daha geniş yayılıb. Sürətli həyat tempi və artan gözləntilər bu vəziyyətin əsas səbəbləri kimi göstərilir. Bəs müasir insan niyə daha çox psixoloji gərginlik yaşayır?
Mövzu ilə bağlı psixoloq “Tehsil365"ə açıqlama verib.
Psixoloq bildirib ki, “Müasir dövrdə informasiya axınının sürəti və həyat ritminin intensivliyi insanın psixoloji yükünü artırır.”
Onun sözlərinə görə, sosial media da bu prosesdə mühüm rol oynayır: “İnsanlar daim müqayisə mühitində yaşayır və bu, özünə qarşı narazılıq və yetərsizlik hissi yarada bilər.”
Mütəxəssis qeyd edib ki, qeyri-müəyyənlik hissi də narahatlığı artırır: “Gələcəklə bağlı qeyri-müəyyənlik, iqtisadi və sosial dəyişikliklər insanlarda daimi gərginlik yaradır.”
Psixoloq vurğulayıb ki, istirahət və balansın pozulması da əsas amillərdəndir: “İnsanlar kifayət qədər dincəlmir, emosional ehtiyaclarını nəzərə almır və bu da xroniki stressə gətirib çıxarır.”
Sonda əlavə olunub ki, “Stressin idarə olunması üçün psixoloji maarifləndirmə, sağlam həyat tərzi və emosional dəstək mühiti vacibdir.”