Nina Dmitriyevna Sarnatskaya Azərbaycan teatr və kino sənətində özünəməxsus iz qoymuş görkəmli aktrisalardan biri kimi yadda qalıb.
“Tehsil365” xəbər verir ki, 8 dekabr 1909-cu ildə Bakıda anadan olan sənətkar uzun illər səhnədə uğurla çıxış edərək tamaşaçıların rəğbətini qazanıb.
Nina Sarnatskaya müxtəlif teatr tamaşalarında yaratdığı obrazlarla sənətsevərlərin yaddaşında dərin iz buraxıb. Onun peşəkar aktyorluq bacarığı və səhnə mədəniyyəti Azərbaycan səhnə sənətinin inkişafına mühüm töhfə verib.
Sənətdəki xidmətlərinə görə 1 iyun 1974-cü ildə “Azərbaycan SSR xalq artisti” fəxri adına layiq görülən aktrisa, ölkənin mədəni həyatında fəal rol oynayıb.
6 aprel 1986-cı ildə Bakıda vəfat edən Nina Sarnatskayanın zəngin yaradıcılığı bu gün də hörmətlə xatırlanır və Azərbaycan teatr tarixində xüsusi yer tutur.