Ətayə Qulam qızı Əliyeva Azərbaycan teatr və kino sənətində mühüm iz qoymuş aktrisalardan biri kimi xatırlanır.
“Tehsil365” xəbər verir ki, 2 may 1920-ci ildə Poltoratsk şəhərində anadan olan sənətkar sonralar fəaliyyətini Azərbaycanda davam etdirərək milli mədəniyyətə töhfələr verib.
Ətayə Əliyeva uzun illər teatr səhnəsində çıxış edib, eyni zamanda Azərbaycanda çəkilmiş onlarla filmdə müxtəlif obrazlar yaradıb. Onun ifa etdiyi rollar tamaşaçılar tərəfindən maraqla qarşılanıb və yadda qalan obrazlara çevrilib.
Sənət sahəsindəki xidmətlərinə görə 1964-cü ildə “Azərbaycan SSR əməkdar artisti” fəxri adına layiq görülən aktrisa, peşəkarlığı və səhnə mədəniyyəti ilə seçilib.
6 aprel 1995-ci ildə Bakıda vəfat edən Ətayə Əliyevanın zəngin yaradıcılığı bu gün də hörmətlə yad edilir və Azərbaycan incəsənət tarixində öz yerini qoruyub saxlayır.