Çingiz Akif oğlu Abdullayev müasir Azərbaycan ədəbiyyatında detektiv janrının ən məşhur nümayəndələrindən biri hesab olunur.
“Tehsil365” xəbər verir ki, O, 7 aprel 1959-cu ildə Bakı şəhərində anadan olub.
Yazıçı uzun illər ərzində zəngin yaradıcılığı ilə oxucuların rəğbətini qazanıb. Onun əsərləri yalnız Azərbaycanda deyil, bir çox xarici ölkələrdə də nəşr olunaraq geniş oxucu auditoriyası əldə edib. Detektiv janrında yazdığı əsərlər xüsusilə maraqlı süjet xətti və real hadisələrə yaxınlığı ilə seçilir.
Çingiz Abdullayev həm də ictimai fəaliyyətlə məşğul olub. O, 1989-cu ildən Azərbaycan SSR Yazıçılar İttifaqının üzvü olub, 1991-ci ildən isə Azərbaycan Yazıçılar Birliyində rəhbər vəzifələrdə çalışaraq ədəbiyyatın inkişafına töhfə verib.
Yazıçının xidmətləri dövlət tərəfindən də yüksək qiymətləndirilib. O, 2005-ci ildə “Xalq yazıçısı” fəxri adına layiq görülüb. Bundan əlavə, hüquq sahəsində də fəaliyyət göstərərək 1991-ci ildə hüquq elmləri doktoru elmi dərəcəsini alıb.
Çingiz Abdullayevin yaradıcılığı Azərbaycan ədəbiyyatında detektiv janrının inkişafında mühüm rol oynayır və onun əsərləri bu gün də sevilərək oxunur.