Kibertəhlükəsizlik — kompüterləri, telefonları, şəbəkələri və məlumatları internet üzərindən gələn təhlükələrdən qorumaq deməkdir. Bu təhlükələrə viruslar, haker hücumları, məlumat oğurluğu və saxta saytlar daxildir. Yəni kibertəhlükəsizlik insanların şəxsi və vacib məlumatlarının təhlükəsiz qalmasını təmin edir.
“Tehsil365” in araşdırmasına görə, kiber təhlükəsizlik vacibdir, çünki:
Məlumatların qorunması: Şəxsi və məxfi məlumatlar kiber hücumlar nəticəsində oğurlana bilər. Bu, maliyyə itkilərinə, nüfuzun zədələnməsinə və hüquqi nəticələrə səbəb ola bilər.
Müəssisə təhlükəsizliyi: Təşkilatlar öz məlumatlarını və sistemlərini qorumaq üçün kiber təhlükəsizlik tədbirlərinə ehtiyac duyurlar. Məlumatların pozulması və ya şəbəkə hücumu bir müəssisənin fəaliyyətini tamamilə dayandıra bilər.
Şəxsi təhlükəsizlik: Şəxsi hesabların hack olunması, sosial şəbəkələrdəki məlumatların oğurlanması və ya bank məlumatlarının ələ keçirilməsi fərdlərin təhlükəsizliyini təhlükə altına qoya bilər.
Dövlət təhlükəsizliyi: Kiber müharibə və dövlətlərin məlumat sistemlərinə edilən hücumlar milli təhlükəsizlik üçün böyük bir təhlükə yaradır.