Şagirdlər üçün effektiv öyrənmə üsulları müasir təhsilin ən vacib mövzularından biridir. Hər bir şagirdin öyrənmə tərzi fərqli olduğu üçün dərs materialını daha yaxşı mənimsəmək üçün uyğun metodların seçilməsi böyük əhəmiyyət daşıyır. Düzgün öyrənmə üsulları şagirdlərin dərsi daha tez qavramasına, yaddaşını gücləndirməsinə və nəticədə daha yüksək nailiyyət əldə etməsinə kömək edir. Buna görə də, effektiv öyrənmə yollarını araşdırmaq və tətbiq etmək hər bir şagird üçün vacibdir.
“Tehsil365” in araşdırmasına görə, Öyrənmə Texnikaları Hansılardır?
1.Pomodoro Texnikası
Pomodoro öyrənmə texnikaları arasında tələbələr və abituriyentlər arasında ən çox bilinən və tanınan texnikadır. Pomodoro texnikası 1992-ci ildə italyan Fransesco Cirillo tərəfindən kəşf edilmişdir. Fransesco texnikadan istifadə edərkən qarşısında pomidora oxşayan mətbəx taymerindən istifadə etdiyindən dolayı texnikanın adı pomidor olaraq qalmışıdr.)
Texnikanın mahiyyəti ondan ibarətdir ki, siz hazırlaşmaq və öyrənmək istədiyiniz mövzunu seçərək 25 dəqiqə həmin mövzu üzərində çalışmalı və öyrənməlisiniz. 25 dəqiqəni bitirdikdən sonra 5 dəqiqə ara verib istirahət edə bilirsiniz. 25 dəqiqə öyrən və 5 dəqiqə istirahət et! Bu texnika dərs çalışarkən diqqəti tez-tez dağılan və öyrənməkdən sıxılan tələbə və abituriyentlərin çox sevəcəyi və effektivlik əldə edə biləcəyi metoddur. Telefonuza Pomodoro proqramını yükləyərək 8 seansa qədər çalışa bilərsiniz və 4-cü seansda isə 20 dəqiqəlik istirahət haqqınız olur!
2.Feynman Texnikası
Nobel mükafatı qazanmış fizika alimi Richard Feynmanın hələ tələbəlik illərində hazırlamış olduğu öyrənmə texnikası 4 addımdan ibarətdir:
1.Öyrənmək istədiyiniz bir mövzunu seçin və çalışmağa başlayın. Öyrəndiklərinizi dəftərinizə qeyd edin.
2.Çalışdığınız mövzunu sanki başqalarına başa salacaqmış kimi mümkün olacağı təqdir bəsit şəkildə izah etməyə başlayın.
3.İzah edərkən fərqinə varacaqsınız ki, yaxşı bilmədiyiniz yerlər var. Həmin yerləri doldurmaq üçün kitablarınıza qayıdın.
4.Öyrəndiyiniz mövzunu oxşarlıqları ilə izah etməyə çalışın.
4 addımdan ibarət olan Feynman texnikası sizin effektiv və dərin öyrənmənizdə əvvəzsiz olacaqdır. Çünki texnikanın məqsədi öyrədərək öyrənməkdən ibarətdir, yəni bir müəllim şəklində öyrənmək və öyrətmək!
3.Aralıqlı Öyrənmə Texnikası
Xüsusilədə əzbərləməli olduğunuz mövzu və düsturlarda effektiv olacaq texnikadır. Aralıq Öyrənmə Texnikası ilə siz əzbərləməli olduğunuz mövzunu ilk səfərində çox yaxşı şəkildə öyrənin. Daha sonra 2 gün ara verin. Ara vermə müddətiniz bitdikdən sonra 2 gün sonra yenidən öyrənin və bu təkrarı əzbərləməli olduğunuz mövzunu əzbərləyənə qədər davam etdirin. Bu şəkildə siz beyninizə bu dərsi və ya düsturu unutmama siqnalı vermiş olursunuz. Bu sayədə imtahanlarda unutmamalı olduğunuz düsturları əzbər şəkildə yazırsınız.
4. Çətin ilə Başlama Texnikası
Sizə çətin gəldiyini düşündüyünüz bir mövzu ilə başlayın. Cəsarətli olun və qorxmayın, çətin olduğunu düşündüyünüz riyaziyyat məsələlərini edin. Fizika və Kimya məsələrini açın və işləyin! Həvəsli və edə biləcəyinizə inanaraq başlayın, çünki ancaq bu inam və həvəslə bacaracaqsınız. Təbriklər artıq etdiniz! Bu həvəs və özünüzə inamla artıq digər çətin olduğunu düşündüyünüz məsələləri çox asan rahat bir şəkildə edəcəksiniz.