“Riyaziyyat sadəcə əzbərləmə deyil, düşünmə və anlama tələb edən bir fəndir.”
Bu sözləri “Tehsil365”ə açıqlamasında riyaziyyat müəllimi Arif Əliyev bildirib.O şagirdlərin bu fənnə yanaşması ilə bağlı fikirlərini bölüşüb.
Onun sözlərinə görə, riyaziyyatı uğurla mənimsəmək üçün əsas diqqət mövzuların mahiyyətini anlamağa yönəlməlidir.
Müəllim qeyd edib ki, bir çox şagird riyaziyyatı çətin hesab edir, lakin düzgün metodlarla bu çətinliyi aradan qaldırmaq mümkündür. O vurğulayıb ki, dərs prosesində məntiqi yanaşma və praktik tətbiqlər daha effektiv nəticə verir.
O qeyd edib ki, valideynlərin dəstəyi və şagirdlərin müntəzəm çalışması riyaziyyatda uğurun əsas şərtlərindəndir.