Aprelin 6-da Azərbaycan Dillər Universitetinin (ADU) Magistratura şöbəsinin təşkilatçılığı ilə Ədəbiyyatşünaslıq ixtisası üzrə I kurs magistrantları üçün ustad dərsi keçirilib. Ustad dərsi akademik Muxtar İmanov tərəfindən təqdim olunub.
“Tehsil365” xəbər verir ki, dərs zamanı akademik Muxtar İmanov ədəbiyyatda psixologizmin müxtəlif təzahür formaları və ifadə vasitələri haqqında geniş məlumat verib, mövzu ilə bağlı zəngin nümunələr əsasında maraqlı və məzmunlu mühazirə təqdim edib.
Eyni zamanda, o, Azərbaycan ədəbiyyatının görkəmli nümayəndələrinin yaradıcılığına müraciət edərək, İsmayıl Şıxlı, İsa Hüseynov, Sabir Əhmədov, Çingiz Hüseynov, Anar, Fərman Kərimzadə, Yusif Səmədoğlu, Elçin, İsi Məlikzadə və Mövlud Süleymanlı kimi yazıçıların əsərlərində insanın daxili aləminin bədii əksi məsələlərini təhlil edib.
Akademik tələbələrə ədəbiyyatda psixologizm anlayışının nəzəri və praktik aspektlərini izah edərək, bu istiqamətdə mühüm elmi məqamları diqqətə çatdırıb.
