Azərbaycanın qəhrəmanlıq salnaməsində öz yeri olan Yelmar Edilov Vətən uğrunda canından keçən igidlərdən biridir.
“Tehsil365” xəbər verir ki, O, 10 aprel 1946-cı ildə Ağdam rayonunun Əlimədətli kəndində anadan olub.
Birinci Qarabağ müharibəsi illərində döyüşlərdə fəal iştirak edən Yelmar Edilov torpaqlarımızın müdafiəsində böyük şücaət göstərib. O, döyüş meydanında cəsarəti, qətiyyəti və vətənpərvərliyi ilə seçilərək silahdaşlarının hörmətini qazanıb.
11 aprel 1994-cü ildə Ağdam rayonu ərazisində gedən döyüşlər zamanı şəhid olan Yelmar Edilov göstərdiyi qəhrəmanlığa görə Azərbaycanın Milli Qəhrəmanı adına layiq görülüb.
Bu gün də onun xatirəsi ehtiramla anılır, igidliyi və fədakarlığı gələcək nəsillər üçün örnək kimi yaşadılır.