Gecə az yatmaq yaddaşın zəifləməsi, diqqətin dağılması və əsəbi gərginliyin artması kimi problemlərə səbəb olur. Lakin bir çox insanlar bu əsas faktoru nəzərə almadan problemi başqa səbəblərlə əlaqələndirirlər.
Bu sözləri “Tehsil365” ə açıqlamasında , nevroloq Rəna Abbasova bildirib.
“Ümumiyyətlə gecə az yatmağın yaddaşa və diqqətə təsiri əlbəttə mənfi təsirləri çoxdur. İlk növbədə nədir? Diqqətin dağınıqlığı, hərəkətlərin zəifləməsi, konsentrasiyanın pozulması, fokuslanmanın pozulması, uzunmüddətli yaddaşın formalaşması, bütün bunlar bunların səbəblərindən biri olaraq gecə az yatmaqdır.”
“Çox vaxt xəstələr həkimə gələndə bu faktoru qeyd etmirlər. Yəni birbaşa bəzən baxırsan ki, cavan, tələbədir və yaxud bir gəncdir, yeniyetmədir, gəlir şikayətlənir ki, doktor, mənim yaddaşım pozulub, mən diqqətim dağınıqdır, əsəbləşirəm, amma yuxu faktorunu qeyd etmir. Ta o vaxta kimi ki, biz özümüz soruşuruq, yaxşı, gecə yuxusu necədir və məlum olur ki, gecə yuxusu ümumiyyətlə çox azdır, ekrandan çox istifadə eləyir və bəzi yeniyetmələr, gənclər, ümumiyyətlə pasientlər bunu normal qəbul edirlər, düşünürlər ki, gecə yuxusu olmasa da olar.”
“Amma bu diqqət dağınıqlığını, əsəbi gərginliyi, yaddaşın zəifləməsini başqa yerdə axtarırlar. Yəni bunu qan azlığı ilə əlaqələndirirlər, düzgün qidalanmamaqla əlaqələndirirlər, ondan sonra vitamin çatışmazlığla əlaqələndirirlər. Bəzən görürsünüz ki, gəlir ki, “mənim beyin qan dövranımda pozulmalar var və ona görə mən diqqətim dağınıqdır”, amma əsas fakt yaddan çıxır və anamnez zamanı müəyyən olunur ki, həqiqətən bu insanlar ya çox düzgün olmayan vaxtda yatırlar, yəni gecə yuxusunu gündüz yuxusu ilə əvəz eləyirlər, yəni bunlar tam fərqli-fərqli bir şeylərdir.”
“Və yaxud bir qədər də bu artıq özünə bir hal aldıqda, yəni davamlı xarakter aldıqda bu əsəb pozulması, yuxunun pozulması ilə bağlı olan əsəbi gərginlik, dağınıqlıq, o xəstələr müxtəlif vitaminlərdən, müxtəlif beyin qidalandırıcılarından istifadə edirlər, hansı ki, bu ilk yanaşmada bunlardan heç birinə istifadə olunmamalıdır ta o vaxta kimi ki, yuxu rejimi, gecə yuxusu tam normallaşmalıdır və ondan sonra biz baxırıq, xəstənin həmin şikayətləri qalıb, yoxsa qalmır. Əgər qalıbsa, artıq burda digər başqa səbəblər axtarırıq, yox əgər keçib gedirsə, deməli bu birbaşa yuxunun pozulması ilə əlaqədardır.”
“Xəstənin durumu çox nəzərə alınır gecə yuxusu zamanı. Yəni yaş faktoru nəzərə alınır. Bəzən yaşlı insanlarda görürsünüz ki, yuxu az da olsa, onları tam təmin eləyir. Yəni bu melatonin azalması ilə əlaqədardır. Yaşlı insanlarda görürsünüz ki, onlar biraz az yatırlar, amma əgər şikayətləri yoxdursa, onlarda biz yuxu rejimindən istifadə olunmur. Amma əgər yaddaş problemi, dağınıqlıq, əsəblik, əsəblilik, fokuslanmada problem yaranırsa, əlbəttə ki, bunları aradan qaldırmağa çalışırıq.”