Dövlət İmtahan Mərkəzinin (DİM) 10 illik yubileyinə həsr olunmuş “Qiymətləndirmə sistemləri: etimad, şəffaflıq və innovasiya” mövzusunda beynəlxalq elmi-praktik konfrans öz işini davam etdirir.
“Tehsil365" xəbər verir ki, DİM-in şöbə müdiri Aydın Qasımov “AYYS - Kütləvi İmtahanlarda Yazı İşlərinin Avtomatlaşdırılmış Qiymətləndirmə Sistemi” mövzusunda məruzə ilə çıxış edib. O bildirib ki, AYYS yazı işləri meyarlar əsasında onlayn və oflayn rejimlərdə qiymətləndirilməsi prosesinin təşkilini, keçirilməsini və yoxlama prosesində iştirak edən markerlərin fəaliyyətinin auditini özündə ehtiva edən texnoloji dövrə malik sistemdir. Aydın Qasımov hazırda AYYS-də ümumi və tam orta təhsil səviyyəsi üzrə buraxılış imtahanları, ali təhsil müəssisələrinin bakalavriat səviyyəsinə qəbul imtahanları (I-IV qruplar), magistratura səviyyəsinə qəbul imtahanları və s. imtahanların yazı işlərinin və inşalarının (esselərinin) qiymətləndirilməsinin aparıldığını söyləyib. O qeyd edib ki, indiyə qədər AYYS-də müxtəlif imtahanlar və fənlər üzrə ümumilikdə 47 milyondan çox qiymətləndirmə həyata keçirilib.