Respublika Fənn Olimpiadalarının final mərhələsində iştirak hüququ qazanmış şagirdlər portal.edu.az ki platformasında şəxsi kabinetlərinə daxil olaraq buraxılış vərəqələrini yükləyə bilərlər.
"Tehsil365" xəbər verir ki, imtahanda iştirak etmək üçün şagirdlər buraxılış vərəqəsini və şəxsiyyəti təsdiq edən sənədi mütləq təqdim etməlidirlər. İmtahanların fənlər üzrə qrafiki, eyni zamanda yazı işlərinə baxış (koordinasiya) günləri ilə cədvəldən tanış ola bilərsiniz.
Qeyd edək ki, beynəlxalq olimpiadalara uyğun olaraq riyaziyyat və informatika fənləri iki gün ərzində keçiriləcək. Həmçinin, fizika və biologiya fənləri üzrə nəzəri turla yanaşı, praktiki turlar da təşkil ediləcək.
Biologiya fənni üzrə praktiki tur nəzəri turla eyni gündə, bir neçə saat fərqlə keçiriləcək. Praktiki turla bağlı tələb olunan bacarıqların siyahısı aşağıda təqdim edilir.
– Canlıların morfoloji və anatomik quruluş xüsusiyyətlərini təhlil etmək
– Struktur–funksiya əlaqəsini quraraq fizioloji xüsusiyyətləri proqnozlaşdırmaq
– Verilmiş nümunələr əsasında struktur fərqlərini sistemləşdirmək və interpretasiya etmək
– Morfoloji, anatomik və digər göstəricilərə əsaslanaraq canlıların taksonomik mövqeyini müəyyən etmək
– Dixotomik açarlardan istifadə etmək
– Oxşarlıq və fərqliliklər əsasında elmi əsaslandırılmış təsnifat aparmaq
– Verilmiş canlıya əsasən onun ekoloji nişini və yaşayış mühitini təyin etmək
– Biotik və abiotik amillərin təsirini analiz etmək
– Struktur və funksiyalara əsaslanaraq adaptasiya xüsusiyyətlərini izah etmək
–Ekosistem daxilində qarşılıqlı əlaqələri müəyyən etmək
– Canlıda gedən biokimyəvi prosesləri təhlil etmək
– Eksperimental nəticələrə əsasən proseslərin mexanizmini izah etmək
– Faktorların təsirini qiymətləndirmək
– Bioloji eksperimentlərdən əldə olunan məlumatlar üzərində riyazi emal aparmaq
– Qrafiklər qurmaq və onları interpretasiya etmək
– Sadə statistik göstəriciləri hesablamaq və şərh etmək
– Riyazi modelləri tətbiq edərək bioloji prosesləri izah etmək
