Çin Ayın tədqiqi istiqamətində növbəti mühüm addımını atmağa hazırlaşır.
“Tehsil365" xarici mediaya istinadən xəbər verir ki, Çin İnsanlı Kosmos Agentliyi “Çang’e-7” missiyasının 2026-cı ilin ikinci yarısında kosmosa göndəriləcəyini açıqlayıb.
Bildirilir ki, “Çang’e-7” missiyasının əsas məqsədi Ayın cənub qütbünün tədqiqi, xüsusilə də daimi kölgədə qalan kraterlərin araşdırılmasıdır. Layihə çərçivəsində orbitə daxil olma, yumşaq eniş və səthdə hərəkət kimi bir neçə mərhələ həyata keçiriləcək.
Həmçinin missiya çərçivəsində yeni texnologiyaların sınaqdan keçirilməsi və beynəlxalq əməkdaşlığın genişləndirilməsi planlaşdırılır.