“Hər il yazqabağı bu hallar ortaya çıxır. Mövsümi xəstəliklərdən qurtulmağın bir yolu var. Allah bizə 4 resept verib və onların adı fəsillərdir. İnsanlar fəsillərə uyğun qidalanmalı, geyinməli və həyat tərzlərini tənzimləməlidirlər.”
Bu sözləri “Tehsil365”ə açıqlamasında tibbi ekspert Aydın Əliyev bildirib.
O bildirib ki, insanlar bu qaydalara riayət etdikdə mövsümi xəstəliklərdən daha rahat qoruna bilirlər. Ekspertin sözlərinə görə, gigiyenik qaydalara əməl etmək, vaxtında həkimə müraciət etmək və düzgün qidalanma vacibdir.
Aydın Əliyev qeyd edib ki, xüsusilə göyərti və tərəvəzlərdən istifadə orqanizm üçün faydalıdır və immun sistemini gücləndirir. O əlavə edib ki, gündəlik hərəkət, kifayət qədər su qəbulu və düzgün yuxu rejimi də sağlamlıq üçün əsas şərtlərdəndir.