Polşanın Rzeszov Universitetinin Beynəlxalq əlaqələr şöbəsinin tələbə və müəllim mübadiləsi üzrə məsul nümayəndəsi Aleksandra Dançişin “Staff Training Mobility” proqramı çərçivəsində Azərbaycan Universitetində olub.
Azərbaycan Universitetindən “Tehsil365” ə bildirilib ki, səfərin məqsədi təcrübə mübadiləsi və əməkdaşlıq istiqamətlərinin müzakirəsi olub. Polşalı mütəxəssis Azərbaycan Universitetinin Beynəlxalq əlaqələr şöbəsinin fəaliyyəti, tələbə və heyətin mübadilə mexanizmləri, kitabxana və digər infrastruktur imkanları ilə tanış olub, müvafiq struktur bölmələrdə iş prosesini müşahidə edib.
A.Dançişin Beynəlxalq əlaqələr şöbəsinin mütəxəssisi Sevlan Qurbanova və elmi işlər üzrə prorektor Yusif Qasımovla görüşüb. Görüşlərdə tələbə və akademik heyət mübadiləsi və yeni əməkdaşlıq istiqamətləri üzrə fikir mübadiləsi aparılıb. Tərəflər universitetlər arasında əməkdaşlığın genişləndirilməsində maraqlı olduqlarını ifadə ediblər.
Sonda A.Dançişinə proqramda iştirakına dair sertifikat təqdim olunub.