Aprelin 17-də Şəki şəhər Mərkəzləşdirilmiş Kitabxana Sisteminin təşkilatçılığı ilə Türk dünyasının dahi şairi və mütəfəkkiri Yunus Əmrənin 785 illik yubileyi münasibətilə şairin həyatından bəhs edən “Dünyanı yaxşılar gözəlləşdirir” adlı sənədli filmin təqdimatı keçirilib.
Bu barədə “Tehsil365"ə Şəki-Zaqatala Regional Mədəniyyət İdarəsindən məlumat verilib.
Bildirilib ki, Şəki şəhər M.F.Axundzadə adına Mədəniyyət Mərkəzində keçirilən təqdimatda filmin müəllifi, Milli Mədəniyyətin Təbliği İctimai Birliyinin rəhbəri Jalə Cəfərova çıxış edərək, ekran əsərinin ərsəyə gəlməsi prosesi və Yunus Əmrə yaradıcılığı barədə məlumat verib.
Sonra film nümayiş etdirilib.
Qeyd edək ki, 2024-cü ildə lentə alınan sənədli filmin layihə müəllifi Jalə Cəfərova, ssenari müəllifi və rejissoru Etibar Məmmədov, təsvir rejissoru Ramin Şahbazovdur.