Tam (11 illik) orta təhsil səviyyəsi üzrə martın 9-da keçirilmiş buraxılış imtahanının nəticələri ilə bağlı apellyasiya müraciətlərinin vaxtı açıqlanıb.
“Tehsil365” Dövlət İmtahan Mərkəzinə (DİM) istinadən xəbər verir ki, Apellyasiya Komissiyasına müraciət etmək istəyənlər 20 aprel saat 10:00-dan 22 aprel saat 17:00 dək DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər.
Göstərilən müddət ərzində qeydiyyatdan keçməyənlər sonradan Apellyasiya Komissiyasına müraciət edə bilməyəcəklər. Elektron ərizədə haqqında müraciət edilən tapşırığın nömrəsi seçilməli, onunla bağlı müraciətin məzmunu yazılmalı və meyarın hansı bəndinə uyğun hesab edildiyi göstərilməlidir.
Elektron ərizədə müraciətin məzmunu qeyd olunmadığı halda ərizə qəbul edilmir.
Qeyd olunub ki, ötən imtahanların təcrübəsi apellyasiya üçün ərizə yazanların təqribən 15%-i ümumiyyətlə tapşırığa cavab vermədiyini və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət etdiklərini göstərir:
"Abituriyentlərin nəzərinə çatdırırıq ki, bu tip müraciətlərə baxılmayacaq", - məlumatda vurğulanıb