Azərbaycan ədəbiyyatının tanınmış simalarından biri olan Tofiq Qulam oğlu Bayramov zəngin yaradıcılığı və tərcümə fəaliyyəti ilə yadda qalan şairlərdəndir.
“Tehsil365” xəbər verir ki, O, 16 dekabr 1934-cü ildə Bakı şəhərinin Əmircan qəsəbəsində anadan olub.
Tofiq Bayramov ədəbiyyata erkən yaşlarından maraq göstərmiş, şeirləri ilə oxucuların diqqətini cəlb etməyi bacarmışdır. Onun yaradıcılığında vətənpərvərlik, insan duyğuları və həyatın müxtəlif çalarları xüsusi yer tutur. Şair təkcə poeziya ilə deyil, eyni zamanda dünya ədəbiyyatından etdiyi tərcümələrlə də Azərbaycan oxucusuna dəyərli nümunələr təqdim edib.
1959-cu ildə Azərbaycan Yazıçılar Birliyinə üzv qəbul olunan Tofiq Bayramov, 1984-cü ildə “Əməkdar incəsənət xadimi” fəxri adına layiq görülüb. Bu titul onun ədəbiyyat sahəsindəki xidmətlərinin yüksək qiymətləndirilməsi kimi dəyərləndirilir.
Tofiq Bayramov 19 aprel 1991-ci ildə Bakı şəhərində vəfat edib. Onun ədəbi irsi bu gün də Azərbaycan poeziyasında öz aktuallığını qoruyur və yeni nəsil oxucular tərəfindən maraqla qarşılanır.