Azərbaycan elminin və ədəbiyyatının tanınmış nümayəndələrindən biri olan Şamil Səlim oğlu Əsgərov (təxəllüsü: Şamil Dəlidağ) çoxşaxəli fəaliyyəti ilə seçilən alim və ədib olub.
“Tehsil365” xəbər verir ki, O, 1929-cu ilin sentyabrında Kəlbəcər rayonunun Ağcakənd kəndində anadan olub.
Şamil Dəlidağ riyaziyyatçı, şair, dilçi, tərcüməçi, publisist, folklorşünas və muzeyşünas kimi müxtəlif sahələrdə fəaliyyət göstərərək Azərbaycan elminə və mədəniyyətinə dəyərli töhfələr verib. Onun araşdırmaları və yaradıcılığı milli folklorun, dilin və ədəbi irsin öyrənilməsində mühüm rol oynayıb.
O, Azərbaycan Yazıçılar Birliyinin üzvü olmuş, 1969-cu ildə filologiya elmləri namizədi elmi dərəcəsini almış, 1991-ci ildə isə Əməkdar mədəniyyət işçisi fəxri adına layiq görülüb.
Şamil Dəlidağ 20 aprel 2005-ci ildə Bakıda vəfat edib. Onun zəngin elmi və ədəbi irsi bu gün də Azərbaycan mədəniyyətində öz əhəmiyyətini qoruyur.