Bakı Dövlət Universiteti (BDU) və Almaniyanın Johanniter Mərkəzi Almaniya Akademiyası arasında anlaşma memorandumu imzalanıb.
“Tehsil365” xəbər verir ki, sənədi BDU-nun rektoru Elçin Babayev və Johanniter Mərkəzi Almaniya Akademiyasının rəhbəri Lars Menzel imzalayıb.
Memorandumda hǝr iki universitetin nǝzdindǝ olan fakültǝ, institut vǝ kolleclǝrdǝ təlim-tədris prosesinin təkmilləşdirilməsi vǝ beynǝlxalq standartlara uyğunlaşdırılması məqsədilə birgə layihǝlǝrin, konfrans, sərgi, seminar, simpozium, qısamüddətli kursların, təlimlərin keçirilməsi, ortaq elmi-tədqiqatların aparılması nəzərdə tutulur. Həmçinin elmi jurnallarda birgə nəşrlər, ortaq akademik proqramların, tədris planlarının və sillabusların hazırlanması, təlimlərin keçirilməsi, akademik, inzibati heyətin, tələbə, magistrant, doktorant və tədqiqatçıların mübadiləsi kimi məsələlər də memorandumda öz əksini tapıb.