“Özünəinam çatışmazlığı insanın potensialını tam şəkildə ortaya qoymasına mane olur.”
Bu sözləri "Tehsil365"ə açıqlamasında psixoloq Arzu Fərəcova deyib.
O bildirib ki, xüsusilə gənclər arasında özünəinam problemi daha çox müşahidə olunur. Onun sözlərinə görə, sosial müqayisə, uğursuzluq qorxusu və ətraf mühitin təsiri bu problemin əsas səbəblərindəndir.
Psixoloq qeyd edib ki, özünəinamın aşağı olması insanın qərar vermə bacarığına, sosial münasibətlərinə və ümumi həyat keyfiyyətinə mənfi təsir göstərir.
Açıqlamada vurğulanıb ki, bu problemin aradan qaldırılması üçün insan ilk növbədə özünü qəbul etməli, kiçik uğurları dəyərləndirməli və öz üzərində davamlı işləməlidir.
Sonda psixoloq əlavə edib ki, dəstək mühiti və düzgün yanaşma ilə özünəinamı artırmaq mümkündür.