Azərbaycanın tanınmış ictimai xadimi, televiziya siması və keçmiş deputat Anar Məmmədxanovnin xatirəsi onu sevənlər tərəfindən hörmətlə anılır.
“Tehsil365” xəbər verir ki, 1970-ci il iyulun 20-də Bakıda anadan olan Anar Məmmədxanov gənc yaşlarından etibarən ictimai və mədəni fəaliyyətlə məşğul olub. O, 1991-ci ildən etibarən Bakı Şən və Hazırcavablar Klubunun prezidenti kimi fəaliyyət göstərib və məşhur “Bakılı oğlanlar” komandasının kapitanı kimi böyük uğurlar qazanıb. Komanda 1992, 1993 və 1995-ci illərdə MDB çempionu, 2000-ci ildə isə XX əsrin çempionu adına layiq görülüb.
Anar Məmmədxanov siyasi fəaliyyətlə də məşğul olub. O, 2005-ci ildə 30 saylı Suraxanı birinci seçki dairəsindən deputat seçilərək Azərbaycan Respublikası Milli Məclisində I, II və III çağırışlarda təmsil olunub.
Bununla yanaşı, o, media sahəsində də fəal olub, “Ultra Production” şirkətinin və Day.az xəbər portalının yaradıcısı kimi tanınıb.
Anar Məmmədxanov 2011-ci il aprelin 23-də Bakıda vəfat edib. Onun vəfatına səbəb ürəyin işemik xəstəliyi nəticəsində yaranan kəskin ürək-damar çatışmazlığı olub.
Onun fəaliyyəti Azərbaycan ictimai və mədəni həyatında xüsusi iz qoyub və xatirəsi daim ehtiramla yad edilir.