“Nəzərə almaq lazımdır ki, hər bir insanın yaşına görə, cinsinə görə, çəkisinə görə, fiziki aktivliyinə görə, yaşadığı coğrafi mövqeyinə görə, xüsusilə fəsilə görə qidalanma rejimi fərqli olur və bir çox hallarda insanlar çəki almaq üçün, çəki vermək üçün kobud şəkildə öz sağlamlıq vəziyyətlərini dəyərləndirmədən müəyyən qidalanma rejimi özlərinə təyin edirlər ki, əgər bu düzgün şəkildə təsvir olunmasa, ciddi xəstəliklərə səbəb ola bilər.”
Bu sözləri “Tehsil365” ə açıqlamasında , qida eksperti Məhsəti Hüseynova bildirib.
“Xüsusilə də bəzən internetdən və yaxud mənbəyi bəlli olmayan yerdən hər hansı bir qidanın qısa müddətdə çəki verməyə kömək olacağını və yaxud da çəki almağa kömək olacağını eşitdikdə özləri haqqında məlumatı bilmədən belə qidaları qəbul edən zaman bu zaman orqanizmdə ciddi sağlamlıq fəsadları yarana bilər. Belə ki, əgər monoton qidalardan istifadə edilirsə, bu zaman vitamin və mineral çatışmazlığı ilə üzləşə bilərlər və yaxud da son zamanların dəbdə olan detoks içkiləri var ki, bunu da düzgün şəkildə istifadə olunmasa, həddindən artıq çox istifadə olunsa, bu zamanda həzım sisteminin pozulması, bağırsaq mikroflorasının funksiyasının pozulması və gələcəkdə ishala daha meyillilik və eyni zamanda ishal və qəbzliyin bir-birinə əvəz edərək bağırsaqların hərəkətliliyinin pozulmasına gətirib çıxarda bilər. Və bəzən olur ki, bir qidanı tamamilə rasionlarından çıxardırlar ki, bu da onlarda həmin qidadan aldıqları vitamin və mineralın ciddi çatışmazlığına gətirib çıxara bilər ki, bu da müəyyən daxili orqanların funksiyasının zədələnməsi, eləcə də sağlamlıq problemlərinə yol aça bilər. Lakin peşəkarlarla, dietoloqlarla, həkimlərlə məsləhətləşərək hər hansı bir problemi aradan qaldırmaq üçün tətbiq olunan qida vərdişləri fərdin sağlamlıq dərəcəsini düşünərək ona uyğun kalori miqdarının hesablanması, qidaların müxtəlif çeşidliliyinin təmin olunması ki, bu da onun vitamin və mineral balansını təmin edəcək şəkildə qeyd olunur və eyni zamanda da yaxşı olar ki, hər bir insan xüsusilə sağlamdursa, elə bir qidalanma rejimi və bu qidalanma rejiminin içinə daxil etdiyi qidalar elə qidalar olmalıdır ki, bu onun ömrü boyu davam etdirə biləcəyi və əlçatan, xüsusilə də yerli, mövsümü və həyatı boyu qəbul etdiyi qidalardan olmalıdır. Çünki bir çox hallarda hər hansı bir qidanı rasiondan çıxararaq digər bir xarici meyvə tərəvəzlərinin təklif olunması və yaxud da daha çətin hazırlanan yeməklərin təklif olunması bir müddət sonra yorucu ola bilər. Bu da həmin insanlarda depressiyaya, stressə, aqressivliyə gətirib çıxarda bilər ki, ona görə yaxşı olar ki, sağlamlığımız üçün, xoşbəxtliyimiz üçün və özümüzü gümrah , yaxşı hiss etməyiniz üçün bu kimi amillərdə əgər doğru şəkildə etməyəcəklərsə, peşəkarlardan dəstək alaraq sağlamlıqlarını riskə atmadan qidalanma vərdişlərini dəyişə bilərlər.”