Müəyyən qidalanma tərzinin böyrəklərdə daş yaranmasına səbəb ola biləcək qidaların siyahısı açıqlanıb.
“Tehsil365” xarici mediaya istinadən xəbər verir ki, həkimlərin qənatinə görə, qida rasionunda duzun, heyvan mənşəli zülalların və oksalatla zəngin qidaların çoxluğu riskləri artırır. Aşağıdakı məhsulların "provokator" qidalar siyahısına aid olduğu bildirilir:
Qara şokolad;
Yarpaqlı tərəvəzlər (ispanaq və s.);
Yaşıl bibər;
Çuğundur;
Əncir;
Moruq;
Qoz-fındıq;
Qarabaşaq (qreçka).
Nə etməli? Tam imtina etmək lazımdırmı?
Bu qidalardan tamamilə imtina etməyə ehtiyac yoxdur. Onların istehlakını yalnız laborator analizlər nəticəsində sidikdə oksalatın səviyyəsi yüksək çıxdıqda azaltmaq lazımdır.
Digər şəxslərə isə daha çox bitki mənşəli qidalar yemək, ət və duz miqdarını azaltmaq məsləhət görülür. Bundan əlavə, kalsiumla zəngin olan kəsmik, kefir və digər süd məhsullarının müntəzəm qəbulu böyrəklərdə daş yaranma riskini minimuma endirməyə kömək edir.