“Qorxu ilə motivasiya — qısa məsafədə sürətli nəticə verə bilər, amma uzun məsafədə insanı içdən yeyən bir mexanizmdir.”
Bu sözləri “Tehsil365” ə açıqlamasında , psixoloq Orxan Şəfizadə bildirib.
“Cəmiyyət bizə tez-tez belə bir mesaj verir:
“Qorx, geri qalmaqdan qorx, itirməkdən qorx, uduzmaqdan qorx — onda uğur qazanacaqsan.”
“Amma heç kim demir ki, qorxu ilə qurulan uğur, daxilən dağılmış bir insanın üzərində tikilir. Qorxu motivasiya yaradır — bəli.Amma bu motivasiya sağlam deyil, çünki o, inkişafdan yox, qaçışdan doğur.Qorxu ilə hərəkət edən insan: səhv etməkdən qorxur, ona görə risk almır başqaları ilə müqayisədə yaşayır ,uğuru hiss etmir, sadəcə rahat nəfəs almağa çalışır ,dayandığı anda özünü dəyərsiz hiss edir”
“Belə bir “uğur”un sonu tükənməkdir.”
“Psixologiyada bu hal xroniki stress, daxili təzyiq və emosional yanma ilə nəticələnir. İnsan zirvəyə çıxsa belə, daxilində hələ də qorxmuş bir uşaq qalır.”
“Həqiqi motivasiya isə qorxudan yox, mənadan doğur. İnsan: nə üçün etdiyini biləndə dəyər verdiyi istiqamətdə hərəkət edəndə öz inkişafına fokuslananda onda əldə etdiyi uğur təkcə nəticə yox, daxili məmnuniyyətə çevrilir.”
“Qorxu səni hərəkətə gətirə bilər, amma səni uzun müddət daşıya bilməz. Əgər uğur qazanırsansa, amma daxilində sakitlik yoxdursa — bu uğur deyil, sadəcə gecikmiş tükənmədir.”