Belqradın Taşmaydan parkında Azərbaycanın Serbiyadakı səfirliyinin təşəbbüsü, “AzVirt” şirkətinin maliyyə dəstəyi ilə şahmat pavilyonun açılış mərasimi keçirilib.
Bu barədə “Tehsil365” ə Azərbaycanın Serbiyadakı səfirliyindən məlumat verilib.
Bildirilib ki, pavilyonun açılışında Serbiyanın İdman Nazirliyinin dövlət katibi Marko Keşel, Serbiya Şahmat Federasiyasının Prezidenti Andriya Yorqiç və səfirlik əməkdaşları iştirak ediblər.
Tədbirdə vurğulanıb ki, Ümummilli Lider Heydər Əliyevin Taşmaydan parkındakı abidəsinin cəmi bir neçə addımlığında yerləşən bu yerdə şahmat pavilyonunun açılması böyük məmnunluq doğurur. İki ölkə arasındakı münasibətlərin strateji tərəfdaşlığın ən yüksək səviyyəsinə çatdığını qeyd edən səfir vurğulayıb ki, Prezident İlham Əliyevin fevral ayında Belqrada rəsmi səfəri ikitərəfli münasibətlərimizin tarixində mühüm tarixi mərhələdir.
Pavilyonun rəsmi açılışından sonra burada şahmat üzrə blitz turnir keçirilib.